Ha?

Gott er að vera í sundi í langan tíma. Einstaklega hressandi jafnt sem sljóvgandi. Ég er búinn að jafna mig eftir erfiða og vafasam helgi sem fer í minnisbankann, vafasöm fortíð. Nei nei.... ekki alveg. Það var komið saman og fagnað BA skilum hjá Gumma B á föstudag og á Laugardag var eitthvað Lyfjafræði tengt RUGL..... Ég fór í timburmanagallanum á leikhús að sjá Voycheck (veit ekki hvernig það er skirfað) á sunnudag og á Askinn að borða. Algjör 5 stjörnu helgi með 5 stjörnu mánnudags þreytu sem var tortrýmt með nokkrum bollum á segafredo og áðurnefndri sundferð. Dagurinn er farinn að lengjast og þykir mér gaman hvernig ég náði að klippa janúar burt því nú er allt í einu kominn feb og árið þýtur af stað, fyrr en varir verður maður mættur aftur í hið svo margbrotna stúdentalíf í útlöndum, baráttan í skólanum er hörð, planið fyrir þessa önn er að vera duglegur á öllum sviðum. Já duglegur skal það vera. Í skólanum sem og á öðrum sviðum. Vil að fólk geti sagt já hann Hjalti hann var nú duglegur þarna.